From Global Village
To Home Village
Zordi kan corona pe
fer ravaz dan nou pei
Zordi kan nou pe kont
Kantite ka positif
Zordi kan nou trakase
Kan nou pe tan lamor
Zordi kan nou pe bizin
Met konfi dan lakaz
Zordi kan nou pe bizin
Koumans manze pou viv,
Nou pe bizin reflesi lor
Nou lavi ki nou ti pe viv
Nou p bizin kompran ki
Nou larzan pa autan importan
Nou p bizin kompran ki
Nou bizin pa negliz lagrikiltir
Nou pe bizin kompran ki
Li inportan nou plan en avans
Nou pe bizin kompran ki
Nou pa bizin kasiet laverite
Nou pe bizin kompran ki
Nou bizin konn swazir dirizan
No pe bizin kompran ki
Nou lavi grandioz pa pou kontinue
Nou pe bizin kompran ki
Nou bizin pas plis letan ar nou fami
Nou pe bizin kompran ki
Nou lakaz e nou pei sa mem nou vilaz.
Pillay
24.03.20
Sunday, May 31, 2020
Corona Inn Fini Vini
Corana Inn Fini Vini
Tou Dimoun Pe Met Konfi Dan Lakaz
Pa Pe Gagn Drwa Sorti Endeor Lakaz
Pa Pe Kapav Al Bat Bis Kot Mami
Pa Pe Kapav Al Bat Bis Kot Fami
Tou Manze Dan Lakaz In Fini
La Boutik Pe Ferme,Supermarse Pe Ferme
Bwar to dilo manz to Biskwi Marie.
Bwar to dilo manz to Biskwi Marie.
Bwar to dilo manz to Biskwi Marie.
Pillay & Pillay Jr
Inspired by Raju Birion
Tou Dimoun Pe Met Konfi Dan Lakaz
Pa Pe Gagn Drwa Sorti Endeor Lakaz
Pa Pe Kapav Al Bat Bis Kot Mami
Pa Pe Kapav Al Bat Bis Kot Fami
Tou Manze Dan Lakaz In Fini
La Boutik Pe Ferme,Supermarse Pe Ferme
Bwar to dilo manz to Biskwi Marie.
Bwar to dilo manz to Biskwi Marie.
Bwar to dilo manz to Biskwi Marie.
Pillay & Pillay Jr
Inspired by Raju Birion
Lepok Margoz
Lepok Margoz
Pandan lepok Margoz dimounn ti bien mizer
Pa ti ena otan fasilite me zot ti ere kanmem.
Lamizer ti la, me zot pati mank manze.
Enn ti brede parsi, enn ti sevret par la.
kalite sa bann manze-la ti donn zot asse lafors
Pou travay ek ti garde zot an bonn sante.
Travayer ti gagn tigit kas, honete, simplisite, patians
Ti fer zot Kapav ramas enn ti kas pou fer progre.
Zot pa ti pe toufe ar det, pa ti ena loan pou peye,
Pa ti ena tou kalite bill ek tou kalite depans pou peye.
Zordi nou kritik lepok margoz, nou fier ki noun fer progre.
Me nou kontinn roul lor zant ziska ariv la fin dimwa.
Tou kitsoz inn vinn ser ek sa ogmant nu depans.
Kan kas fini, maladi ek stress fer nou res dan tristess.
Zordi zour margoz, lalo, pwason snoek, pwason fre
Zis bann kinn vinn resi ris ek bann touris kapav manze.
Plantasion pe ramplase par shopping mall ki pe
Pouse parttou partou ek p pous pli vit ki sanpion.
Zot pa ezite pou apel sa nou baz me kan ou
Get prix ou gagn laraz ek ou pa kapv fer tapaz.
Entretan kontinn atann lafin dimwa vini ek kontinn
Manz ou margoz amer si ou kapav aste margoz la!
Pillay
2018
Pandan lepok Margoz dimounn ti bien mizer
Pa ti ena otan fasilite me zot ti ere kanmem.
Lamizer ti la, me zot pati mank manze.
Enn ti brede parsi, enn ti sevret par la.
kalite sa bann manze-la ti donn zot asse lafors
Pou travay ek ti garde zot an bonn sante.
Travayer ti gagn tigit kas, honete, simplisite, patians
Ti fer zot Kapav ramas enn ti kas pou fer progre.
Zot pa ti pe toufe ar det, pa ti ena loan pou peye,
Pa ti ena tou kalite bill ek tou kalite depans pou peye.
Zordi nou kritik lepok margoz, nou fier ki noun fer progre.
Me nou kontinn roul lor zant ziska ariv la fin dimwa.
Tou kitsoz inn vinn ser ek sa ogmant nu depans.
Kan kas fini, maladi ek stress fer nou res dan tristess.
Zordi zour margoz, lalo, pwason snoek, pwason fre
Zis bann kinn vinn resi ris ek bann touris kapav manze.
Plantasion pe ramplase par shopping mall ki pe
Pouse parttou partou ek p pous pli vit ki sanpion.
Zot pa ezite pou apel sa nou baz me kan ou
Get prix ou gagn laraz ek ou pa kapv fer tapaz.
Entretan kontinn atann lafin dimwa vini ek kontinn
Manz ou margoz amer si ou kapav aste margoz la!
Pillay
2018
Bann Nouvo Regleman Dan Mo Lakaz
Bann Nouvo Regleman Dan Mo Lakaz
To pa rod lav to lame,
Mo sispan to lame pou de zour.
To pa respekte social distancing,
Mo sispan to distans pou de zour.
To pa rod met to mask,
Mo sispan to labous pou de zour.
To pa rod met to legan,
Mo sispan to ledwa pou de zour.
To rod sorti endeor lakaz,
Mo sispan twa dan lakaz pou de zour.
To pa rod met to mem konfi,
Mo sispan to disel pima pou de zour.
To koko pe res vid mem,
Mo sispan to delo pou de zour.
To res kole lor social media
Mo sispan to wifi pou de zour.
To nek rod manze enn zourne,
Mo sispan to manze pou de zour.
To res kole devan to televizion,
Mo sispan to ler tv pou de zour.
To ekout radio gramatin tanto,
Mo sispan radio lamem pou de zour.
Pillay
04.04.20
To pa rod lav to lame,
Mo sispan to lame pou de zour.
To pa respekte social distancing,
Mo sispan to distans pou de zour.
To pa rod met to mask,
Mo sispan to labous pou de zour.
To pa rod met to legan,
Mo sispan to ledwa pou de zour.
To rod sorti endeor lakaz,
Mo sispan twa dan lakaz pou de zour.
To pa rod met to mem konfi,
Mo sispan to disel pima pou de zour.
To koko pe res vid mem,
Mo sispan to delo pou de zour.
To res kole lor social media
Mo sispan to wifi pou de zour.
To nek rod manze enn zourne,
Mo sispan to manze pou de zour.
To res kole devan to televizion,
Mo sispan to ler tv pou de zour.
To ekout radio gramatin tanto,
Mo sispan radio lamem pou de zour.
Pillay
04.04.20
Lav Lasiet Dan Lepok Margoz
Lav Lasiet Dan Lepok Margoz.
Avan pa ti ena robine dilo
Dan sak lakaz kouma zordi.
Ti pe bizin al sers dilo lafontain.
Zordi zour tou dimounn ena
Plizier robine dan tou koin lakaz.
Robine plis ki dilo mo dir ou.
Lakwizinn sink zetwal mama.
Robine sofistike e levier
Dernier model pou lave lasiet.
Me li bon ki nou rekonesan
A bann soeur e mama kinn
Bien soufer pou lave lasiet avan.
Zot ti pe bizin al sers dilo loin pou
Amen kot zot pou ranpli de deksi
E asiz lor zot lipie pou lave lasiet.
Pa ti ena marsan Rs 50 galon kres,
Pa ti ena pinky et ti pe bizin servi
Lapay koko, pay defer e bar savon.
Kann fini pass savon, ti pran lasiet
Tramp dan premier deksi e retir
Li pou rinse dan deziem deksi.
Kan fini, verse li lor enn fey tol
Pou li degoute e apre ramas
Goble,lasiet,deksi,karay endan.
Faude pa blier dan ki leta bann
Deksi, karay ti ete kann sort lor foye.
Saki Inn lave ki kone.
Avan pa ti mem ena lakwizinn
Endan lakaz ,ti pe kwi dehor
E ti pe lave lasiet dehor.
Dan lapli,dan solely,dan saler,
Dan freser, dan gramatin,dan tanto,
Lasiet ti bizin lave pou kapav manze.
Zot Inn bien manz zot margoz amer
Pou donn nou manze dan enn lasiet
Prop e fer nou grandi bien.
Pillay
6.04.19
Avan pa ti ena robine dilo
Dan sak lakaz kouma zordi.
Ti pe bizin al sers dilo lafontain.
Zordi zour tou dimounn ena
Plizier robine dan tou koin lakaz.
Robine plis ki dilo mo dir ou.
Lakwizinn sink zetwal mama.
Robine sofistike e levier
Dernier model pou lave lasiet.
Me li bon ki nou rekonesan
A bann soeur e mama kinn
Bien soufer pou lave lasiet avan.
Zot ti pe bizin al sers dilo loin pou
Amen kot zot pou ranpli de deksi
E asiz lor zot lipie pou lave lasiet.
Pa ti ena marsan Rs 50 galon kres,
Pa ti ena pinky et ti pe bizin servi
Lapay koko, pay defer e bar savon.
Kann fini pass savon, ti pran lasiet
Tramp dan premier deksi e retir
Li pou rinse dan deziem deksi.
Kan fini, verse li lor enn fey tol
Pou li degoute e apre ramas
Goble,lasiet,deksi,karay endan.
Faude pa blier dan ki leta bann
Deksi, karay ti ete kann sort lor foye.
Saki Inn lave ki kone.
Avan pa ti mem ena lakwizinn
Endan lakaz ,ti pe kwi dehor
E ti pe lave lasiet dehor.
Dan lapli,dan solely,dan saler,
Dan freser, dan gramatin,dan tanto,
Lasiet ti bizin lave pou kapav manze.
Zot Inn bien manz zot margoz amer
Pou donn nou manze dan enn lasiet
Prop e fer nou grandi bien.
Pillay
6.04.19
Pa Kone Ki Pou Kwi Zordi
Pakone Ki Pou Kwi Zordi
Nou ti pe rod lapli,
Gro lapli inn vini,
Gro lapli inn fini.
Nou pa ti anvi syklonn vini,
Plizier syklonn inn vini,
Me zot pan fer nou touni.
Nou pa ti anvi Corona vini,
Corona pe met nou konfi,
Ek pe fer nou vinn touni.
Nou Kas pre pou fini,
Ena pe kasiet deryer li,
Pou tir nou lavi ar zot pri.
Pakone ki pou kwi zordi,
Kann tou legim inn fini,
Mem pye papay inn touni.
Pa fer figir vinn dipen rasi,
Bizin konn tras lavi avek saki
Pa enkor fini ziska zordi.
Avan gaz dan la kwizinn fini,
Fer kouma nou nani ek nou dadi,
Fer enn kitchiri ek so sanitini.
Fer enn bon rougay touni,
Tras enn bon zasar bilinbi,
Manz avek enn bon lapeti.
Pillay
10.04.20
Nou ti pe rod lapli,
Gro lapli inn vini,
Gro lapli inn fini.
Nou pa ti anvi syklonn vini,
Plizier syklonn inn vini,
Me zot pan fer nou touni.
Nou pa ti anvi Corona vini,
Corona pe met nou konfi,
Ek pe fer nou vinn touni.
Nou Kas pre pou fini,
Ena pe kasiet deryer li,
Pou tir nou lavi ar zot pri.
Pakone ki pou kwi zordi,
Kann tou legim inn fini,
Mem pye papay inn touni.
Pa fer figir vinn dipen rasi,
Bizin konn tras lavi avek saki
Pa enkor fini ziska zordi.
Avan gaz dan la kwizinn fini,
Fer kouma nou nani ek nou dadi,
Fer enn kitchiri ek so sanitini.
Fer enn bon rougay touni,
Tras enn bon zasar bilinbi,
Manz avek enn bon lapeti.
Pillay
10.04.20
Riy Dan Moustas Avek Zot Mas
Riy Dan Moustas Avk Zot Mas
Ena pe oblize met zot mas.
Ena pe fer grimas avek zot mas.
Ena pe kasiet deryer zot mas.
Ena pe profite pou fim zot mas.
Ena pe tir lavi deryer zot mas.
Ena pe lave ek repas zot mas.
Ena pe tir selfi avk zot mas.
Ena pe fer klas avek zot mas.
Ena pe anvi radio si met mas.
Ena pe met rouz a lev lor zot mas.
Ena pe bizin al marye avek zot mas.
Ena pe trouv zekler pou gagnn zot mas.
Ena pe guet zot dan laglas avek zot mas.
Ena pe al Camp de Masque pou zot pa met mas.
Ena pa pe kapav riy dan moustas avek zot mas.
Pillay
12.04.20
Ena pe oblize met zot mas.
Ena pe fer grimas avek zot mas.
Ena pe kasiet deryer zot mas.
Ena pe profite pou fim zot mas.
Ena pe tir lavi deryer zot mas.
Ena pe lave ek repas zot mas.
Ena pe tir selfi avk zot mas.
Ena pe fer klas avek zot mas.
Ena pe anvi radio si met mas.
Ena pe met rouz a lev lor zot mas.
Ena pe bizin al marye avek zot mas.
Ena pe trouv zekler pou gagnn zot mas.
Ena pe guet zot dan laglas avek zot mas.
Ena pe al Camp de Masque pou zot pa met mas.
Ena pa pe kapav riy dan moustas avek zot mas.
Pillay
12.04.20
Bann Votour Pe Fer Letour
Bann Votour Pe Fer Letour
Kann ena pe fer bann gran diskour,
Toulezour dan zot gran lakour,
Parski zot inn gagn grander lakour,
Paski zot krwar zot ena enn parkour,
Ki personn pa pou kapav fer zot letour,
Mem si zot inn bien kaskontour,
Bann votour pe atan zot tour
Dan lakour planter pomdamour.
Bann votour pe atan zot tour
Dan tou bann kontour.
Bann votour pena oken pitie
Pou nou zoli parkour.
Bann votour pe koumans fer letour
Avan mem ki nou rant dan four.
Pillay
15.04.20
Kann ena pe fer bann gran diskour,
Toulezour dan zot gran lakour,
Parski zot inn gagn grander lakour,
Paski zot krwar zot ena enn parkour,
Ki personn pa pou kapav fer zot letour,
Mem si zot inn bien kaskontour,
Bann votour pe atan zot tour
Dan lakour planter pomdamour.
Bann votour pe atan zot tour
Dan tou bann kontour.
Bann votour pena oken pitie
Pou nou zoli parkour.
Bann votour pe koumans fer letour
Avan mem ki nou rant dan four.
Pillay
15.04.20
Zis Dan Moris
Zis Dan Moris
Nou gato pima pena pima.
Nou brede malbar et brede chinois,
Tout dimounn kontan manze.
Nou manz chana pouri
Ti pouri, dal pouri, pani pouri,
Ek nou met dal dan boucou nou manze.
Nou disik rouz li maron.
Nou kone kot plant petar
Nou son petar ek manz pima petar.
Nou aste dipain dan boulanzer.
Kan nou gagn pares, nou bat bis nu fami
Ek sa fer zot truv zekler mem si pena zekler.
Kan fami fini bat nou bis,
Nou karey res so ek nou bizin
Kontinn roul lor zant ziska lafindimwa
Kan nou malad, nou pez nene,
Nou bwar delwil bwar
Et Kan nou gagn fre nou sof soley.
Kan nou al Trou aux Cerfs nou pa truv serf
Ek Kan nou al Camp Diable nou pas truv diab,
Tou serf in ras lavi avek diab.
Kan nou get Montagne Blanche
Ek Bassin Blanc nou truv zot ver.
kan nou truv bef so kaka nou dir kaka vas.
Nou bon dan rapel chif ek akoz sa mem,
Nou pa blie nou 35 ek nou maitress
Ek telma nou konte sote nou sot sime.
Nou bien kontan manze
Me nou pa kontant bouze
Ek mem nou marsan ambilan bouz fix.
Nou pa blie nou mama.
Nou mem ena leker mama
Me kan nou ankoler nou met mama ladan.
Pillay
20.04.17
Nou gato pima pena pima.
Nou brede malbar et brede chinois,
Tout dimounn kontan manze.
Nou manz chana pouri
Ti pouri, dal pouri, pani pouri,
Ek nou met dal dan boucou nou manze.
Nou disik rouz li maron.
Nou kone kot plant petar
Nou son petar ek manz pima petar.
Nou aste dipain dan boulanzer.
Kan nou gagn pares, nou bat bis nu fami
Ek sa fer zot truv zekler mem si pena zekler.
Kan fami fini bat nou bis,
Nou karey res so ek nou bizin
Kontinn roul lor zant ziska lafindimwa
Kan nou malad, nou pez nene,
Nou bwar delwil bwar
Et Kan nou gagn fre nou sof soley.
Kan nou al Trou aux Cerfs nou pa truv serf
Ek Kan nou al Camp Diable nou pas truv diab,
Tou serf in ras lavi avek diab.
Kan nou get Montagne Blanche
Ek Bassin Blanc nou truv zot ver.
kan nou truv bef so kaka nou dir kaka vas.
Nou bon dan rapel chif ek akoz sa mem,
Nou pa blie nou 35 ek nou maitress
Ek telma nou konte sote nou sot sime.
Nou bien kontan manze
Me nou pa kontant bouze
Ek mem nou marsan ambilan bouz fix.
Nou pa blie nou mama.
Nou mem ena leker mama
Me kan nou ankoler nou met mama ladan.
Pillay
20.04.17
Pe Gagn Mari Plin
Pe Gagn Mari Plin
Depi tonn leve gramatin,
Tonn baingne ar parfin,
Tonn servi lelvin pou kwi dipin,
Tonn met ditin dan gratin friapin,
Tonn manz dipin gratin ek bwar divin.
Aster to pe dir to pe gagn mari plin,
Al plant legim dan zardin.
Al ramas lagrin to fer bien.
Al asiz dan zardin avk vwazin.
Al lamer to baign ar dofin.
Al pass peignfin ar lapin.
Al bwar zi reyzin avek to kopin.
Si to pe ankor gagn mari plin,
Be bez kouma zako sagrin dan to kwin.
Pillay & Pillay Jr.
21.04.20
Depi tonn leve gramatin,
Tonn baingne ar parfin,
Tonn servi lelvin pou kwi dipin,
Tonn met ditin dan gratin friapin,
Tonn manz dipin gratin ek bwar divin.
Aster to pe dir to pe gagn mari plin,
Al plant legim dan zardin.
Al ramas lagrin to fer bien.
Al asiz dan zardin avk vwazin.
Al lamer to baign ar dofin.
Al pass peignfin ar lapin.
Al bwar zi reyzin avek to kopin.
Si to pe ankor gagn mari plin,
Be bez kouma zako sagrin dan to kwin.
Pillay & Pillay Jr.
21.04.20
Manz Corona Guet Sinema
Manz Corona Guet Sinema.
Paran inn vinn baby sitter.
Lotel inn vinn karantaine.
Loto pe dodo dan garaz.
Avion inn tas lor tarmac.
Metro au repo forse dan depo.
Pe bizin zwe football dan koulwar.
Pe bizin guet zis fim ek football rasi.
Mentalite al montre figir osi inn mor.
Makiyaz ek parfin pe expire dan lakaz.
Shopping mall pe ran gaz akoz nou pa lor baz.
Pann reusi fer enn dernier regar dan nou bazar.
Marsan legim bizin zoue kouk kasiet ar lapolis.
Batter bis inn al manz feyaz akoz pena maryaz.
Window shopping inn vinn window vwazinn.
Ki pou fer, pe bizin manz corona guet sinema.
Pillay
26.04 .20
Paran inn vinn baby sitter.
Lotel inn vinn karantaine.
Loto pe dodo dan garaz.
Avion inn tas lor tarmac.
Metro au repo forse dan depo.
Pe bizin zwe football dan koulwar.
Pe bizin guet zis fim ek football rasi.
Mentalite al montre figir osi inn mor.
Makiyaz ek parfin pe expire dan lakaz.
Shopping mall pe ran gaz akoz nou pa lor baz.
Pann reusi fer enn dernier regar dan nou bazar.
Marsan legim bizin zoue kouk kasiet ar lapolis.
Batter bis inn al manz feyaz akoz pena maryaz.
Window shopping inn vinn window vwazinn.
Ki pou fer, pe bizin manz corona guet sinema.
Pillay
26.04 .20
Voler Lavi
Voler Lavi
Person pa inn ne voler,
Me de pli en pli pe gagn
Pli boukou voler, vloer dan biro,
Voler dan karo, voler loto,....
Nou compran ki ena travay bien
dir pou fer progre dan lavi,
E zot pa kontan ki voler vin
koken kot zot e ran zot lavi dir.
San zour pou voler enn zour
Pou propriyeter ki res vey voler.
Zour li atrap voler li fer li pey
Lepo kase avk led so ban kamarad.
Avan kan pa ti ena lalwa,
Si enn dimoun grainn ou leden
Ou pa ti bisin hesite et ou
Ti kapav grainn so 32 leden.
Aster nou apel nou enn pep
sivilise, eski nou bisin pran
Lalwa dan nou lame ?
Koumadir nou mem lapolis e ziz!
Kouma nou trouv inn gagn
enn voler, nou al donn koudeme
Pou rinse olye ki nou apel lapolis
Pou fer so travay.
Nou bat voler san pitie
E nou mem defoul nou lor li,
Nou kontinn bate ziska
ki nou fatige bat li.
Apre inpe zour tan dir
Voler la inn mor,
Ki nou inn repros voler la,
Linn koken kas, bizou, legume...?
Me eski nou realise ki noun
kokein so lavi e ki zame,
Nou pou kapav rembourse
Ni li ni so fami.
Malgre sa act barbar la,
Nou fier ki nou inn koriz voler,
Me pli gran voler kisana?
Voler obze materiel ou voler lavi?
Person pa in ne voler,
Eski nou kone ki fer enn dimoun
Vin voler? Ki drwa nou ena
Pou vin voler lavi dimoun?
Lalwa in kre pou aret voler,
Ziz zot e condan zot.
Pa inn ariv ler pou ki nou aret
Kokin obze materiel e lavi lezot?
Pìllay
Person pa inn ne voler,
Me de pli en pli pe gagn
Pli boukou voler, vloer dan biro,
Voler dan karo, voler loto,....
Nou compran ki ena travay bien
dir pou fer progre dan lavi,
E zot pa kontan ki voler vin
koken kot zot e ran zot lavi dir.
San zour pou voler enn zour
Pou propriyeter ki res vey voler.
Zour li atrap voler li fer li pey
Lepo kase avk led so ban kamarad.
Avan kan pa ti ena lalwa,
Si enn dimoun grainn ou leden
Ou pa ti bisin hesite et ou
Ti kapav grainn so 32 leden.
Aster nou apel nou enn pep
sivilise, eski nou bisin pran
Lalwa dan nou lame ?
Koumadir nou mem lapolis e ziz!
Kouma nou trouv inn gagn
enn voler, nou al donn koudeme
Pou rinse olye ki nou apel lapolis
Pou fer so travay.
Nou bat voler san pitie
E nou mem defoul nou lor li,
Nou kontinn bate ziska
ki nou fatige bat li.
Apre inpe zour tan dir
Voler la inn mor,
Ki nou inn repros voler la,
Linn koken kas, bizou, legume...?
Me eski nou realise ki noun
kokein so lavi e ki zame,
Nou pou kapav rembourse
Ni li ni so fami.
Malgre sa act barbar la,
Nou fier ki nou inn koriz voler,
Me pli gran voler kisana?
Voler obze materiel ou voler lavi?
Person pa in ne voler,
Eski nou kone ki fer enn dimoun
Vin voler? Ki drwa nou ena
Pou vin voler lavi dimoun?
Lalwa in kre pou aret voler,
Ziz zot e condan zot.
Pa inn ariv ler pou ki nou aret
Kokin obze materiel e lavi lezot?
Pìllay
Enn Nouvo Peizaz Lor Baz
Enn Nouvo Peizaz Lor Baz
Apre Inpe plis ki
Enn mois konfinman,
Lanatir inn gagn lasans
Refer so limaz pou don
Nou enn nouvo peizaz.
Nou pe trouv Le Pous So Zong.
Nou pe trouv Pieter Both so lizie.
Nou pe trouv Corp de Gard So fizi.
Nou pe trouv lion lor Montagne Lion.
Nou pe trouv serf dan Trou aux Cerfs.
Nou pe trouv Lanez Lor Montagne Blanche.
Nou pe trouv tamarin lor Montagn Tamarin.
Nou pe trouv Montagne Long so vre longer.
Nou pe trouv La Roche Qui Peur inn aret plore.
Pillay
28.04.20
Inspired by
Yashvin Dyal so post lor Montagne Lion.
Apre Inpe plis ki
Enn mois konfinman,
Lanatir inn gagn lasans
Refer so limaz pou don
Nou enn nouvo peizaz.
Nou pe trouv Le Pous So Zong.
Nou pe trouv Pieter Both so lizie.
Nou pe trouv Corp de Gard So fizi.
Nou pe trouv lion lor Montagne Lion.
Nou pe trouv serf dan Trou aux Cerfs.
Nou pe trouv Lanez Lor Montagne Blanche.
Nou pe trouv tamarin lor Montagn Tamarin.
Nou pe trouv Montagne Long so vre longer.
Nou pe trouv La Roche Qui Peur inn aret plore.
Pillay
28.04.20
Inspired by
Yashvin Dyal so post lor Montagne Lion.
Lavi Bann Labouzi
Lavi Bann Labouzi
De labouzi inn bril zot mem plis ki
Lamwatie pou kontinn ekler lezot.
En memtan enn tilabouzi
Inn forme akote zot pou aid zot.
Labouzi inn touzour bril
Zot mem pou kapav ekler lezot.
Labouzi inn touzour bril
Zot mem pou ran lezot plezier.
Kan fer nwar dan lakaz
Nou alim enn labouzi pou trouv kler.
Kan fer nwar dan nou avi
Nou alim labouzi pou trouv enn sime lalimier.
Kan nou anvi montre nou solidarite
Nou alim enn labouzi pou enn candle light march.
Kan fer kler nou teingn lalimier
Nou alim labouzi pou enn candle light dinner.
Kan nou bizin ena patians
Nou alim enn labouzi rouz ek nou res atan.
Pillay
29.04.20
De labouzi inn bril zot mem plis ki
Lamwatie pou kontinn ekler lezot.
En memtan enn tilabouzi
Inn forme akote zot pou aid zot.
Labouzi inn touzour bril
Zot mem pou kapav ekler lezot.
Labouzi inn touzour bril
Zot mem pou ran lezot plezier.
Kan fer nwar dan lakaz
Nou alim enn labouzi pou trouv kler.
Kan fer nwar dan nou avi
Nou alim labouzi pou trouv enn sime lalimier.
Kan nou anvi montre nou solidarite
Nou alim enn labouzi pou enn candle light march.
Kan fer kler nou teingn lalimier
Nou alim labouzi pou enn candle light dinner.
Kan nou bizin ena patians
Nou alim enn labouzi rouz ek nou res atan.
Pillay
29.04.20
Zordi Nou Tou Dan Mem Bato
Zordi Nou Tou Dan Mem Bato
Nounn konstrir bato kouma sato
Nounn konstrir lakaz kouma sato
Nounn konstrir sato pie dan lo
Nounn gagn boulo dan gran biro
Nounn abitie al manze kot Macdo
Nounn abitie roul dan nouvo loto
Nounn abitie vwayaze a gogo
Nounn abitie al dan lotel a gogo
Nounn abitie fer shppping a gogo
Nounn abitie aste bizou a gogo.
Me zordi nou sato,nou boulo,
Nou loto, nou bato kapav tom dan dilo.
Bann pov pou ena plis fardo lor zot ledo
Me zordi bann ris osi dan mem bato.
Pillay
02.05.20
Nounn konstrir bato kouma sato
Nounn konstrir lakaz kouma sato
Nounn konstrir sato pie dan lo
Nounn gagn boulo dan gran biro
Nounn abitie al manze kot Macdo
Nounn abitie roul dan nouvo loto
Nounn abitie vwayaze a gogo
Nounn abitie al dan lotel a gogo
Nounn abitie fer shppping a gogo
Nounn abitie aste bizou a gogo.
Me zordi nou sato,nou boulo,
Nou loto, nou bato kapav tom dan dilo.
Bann pov pou ena plis fardo lor zot ledo
Me zordi bann ris osi dan mem bato.
Pillay
02.05.20
Nwar, Nwar, Nwar Do Mama...
Nwar, Nwar, Nwar Do Mama..
Avan li pa ti difisil
Pou nou graparan
Viv dan nwar.
Zot ti pe servi lalamp
Petrol, lalamp later
E labouzi kan fer nwar.
Zot ti koumans kwi
Boner, manze bonher
E al dormi bonher.
Dan gramatin zot ti pe
Leve avan kok sante
E bien avan soley leve.
Me zordi nou inn vinn
Esklav elektrisite pou viv,
Sirtou kouma fer nwar.
Bizin elektrisite pou kwi,
Bizin elektrisite pou wifi,
Bizin elektrisite pou guet seri.
San elektrisite nou telefon
Fix e reso mobil retourn zero.
Sa fer nou questionn progre.
San elektrisite san rezo
Kapav zis servi telefon mobil
Kouma tors kan pena labouzi.
San elektrisite kamera aret
Vey nou lakaz e voler profite
Pou fer nou retourn nwar touni.
Si Jacques Cantin ti enkor vivan,
Li ti pou re sant: Nwar, Nwar,
Nwar do mama......
Pillay
03.05.19
Avan li pa ti difisil
Pou nou graparan
Viv dan nwar.
Zot ti pe servi lalamp
Petrol, lalamp later
E labouzi kan fer nwar.
Zot ti koumans kwi
Boner, manze bonher
E al dormi bonher.
Dan gramatin zot ti pe
Leve avan kok sante
E bien avan soley leve.
Me zordi nou inn vinn
Esklav elektrisite pou viv,
Sirtou kouma fer nwar.
Bizin elektrisite pou kwi,
Bizin elektrisite pou wifi,
Bizin elektrisite pou guet seri.
San elektrisite nou telefon
Fix e reso mobil retourn zero.
Sa fer nou questionn progre.
San elektrisite san rezo
Kapav zis servi telefon mobil
Kouma tors kan pena labouzi.
San elektrisite kamera aret
Vey nou lakaz e voler profite
Pou fer nou retourn nwar touni.
Si Jacques Cantin ti enkor vivan,
Li ti pou re sant: Nwar, Nwar,
Nwar do mama......
Pillay
03.05.19
Nepli Bizin Lindi Kordonier
Nepli Bizin Lindi Kordonier
Kan mo guet kordonier
So soulie, mo deman mwa
Kouma li pou repar mo soulie.
Kan mo guet mo mason
So lakaz,mo demann mwa
Kouma li pou ranz mo lakaz.
Sa mem bann franse
Abitie dir:les cordonniers sont
Les plus mal chaussses”.
Kan mo al lapes
Mo pa gagn pwason.
Tou pwason Inn ras akoz polition.
Kan mo rod pwason makro
Mo tann dir nepli ena sa pwason la,
Tou Inn ras lavi inn ale lor later.
Pou pa perdi la fas lakaz
Mo rant dan supermarse
Pou pran deliv Kordonier.
Me kann pas lor lakes
Kas pann reste pou
Aster enn boutey whisky.
Monn bizin pran enn boutey
Rom mem pou kapav termin
Wiken avek enn tilsante.
Rom la pa bon mem,
Me monn kontinn bwar mem,
Ziska mo kat lapat inn enler.
Lindi gramatin pann kapav
Leve pou repran travay
E monn bizin fer lindi cordonier.
Kan monn retourn travay mardi,
Monn bizin bat enn lakol pou ki
Mo bos pa pik enn kriz ar mwa.
Pillay
9.05.18
Kan mo guet kordonier
So soulie, mo deman mwa
Kouma li pou repar mo soulie.
Kan mo guet mo mason
So lakaz,mo demann mwa
Kouma li pou ranz mo lakaz.
Sa mem bann franse
Abitie dir:les cordonniers sont
Les plus mal chaussses”.
Kan mo al lapes
Mo pa gagn pwason.
Tou pwason Inn ras akoz polition.
Kan mo rod pwason makro
Mo tann dir nepli ena sa pwason la,
Tou Inn ras lavi inn ale lor later.
Pou pa perdi la fas lakaz
Mo rant dan supermarse
Pou pran deliv Kordonier.
Me kann pas lor lakes
Kas pann reste pou
Aster enn boutey whisky.
Monn bizin pran enn boutey
Rom mem pou kapav termin
Wiken avek enn tilsante.
Rom la pa bon mem,
Me monn kontinn bwar mem,
Ziska mo kat lapat inn enler.
Lindi gramatin pann kapav
Leve pou repran travay
E monn bizin fer lindi cordonier.
Kan monn retourn travay mardi,
Monn bizin bat enn lakol pou ki
Mo bos pa pik enn kriz ar mwa.
Pillay
9.05.18
Covid Inn Fer Partou Vid
Covid Inn Fer Partou Vid
Covid inn fer nou pos vid.
Covid inn fer nou stad vid.
Covid inn fer nou avion vid.
Covid inn fer nou labank vid.
Covid inn fer nou laplaz vid.
Covid inn fer nou lafwar vid.
Covid inn fer nou lekol vid.
Covid inn nou magazin vid.
Covid inn fer nou koko vid.
Covid inn fer nou sinema vid.
Covid inn fer nou boulanze vid.
Covid inn fer nou latan maryaz vid.
Covid inn fer nou shopping mall vid.
Pillay
23.05.20
Covid inn fer nou pos vid.
Covid inn fer nou stad vid.
Covid inn fer nou avion vid.
Covid inn fer nou labank vid.
Covid inn fer nou laplaz vid.
Covid inn fer nou lafwar vid.
Covid inn fer nou lekol vid.
Covid inn nou magazin vid.
Covid inn fer nou koko vid.
Covid inn fer nou sinema vid.
Covid inn fer nou boulanze vid.
Covid inn fer nou latan maryaz vid.
Covid inn fer nou shopping mall vid.
Pillay
23.05.20
Konfinman Inn Fini
konfinman Inn Fini
Kofinman inn fer nou :
Oblize res dan nou lakaz
Pas pli boukou letan an fami
Kompran ki sa pa enn badinaz
Al rod papay ek bred mouroum
Kwi dipen, gato ek lezot manze
Reviz nou ABCD ek tiek kalandrier
Mars avk nou mask ek nou latres
Dekouver nou bann talan kasiet
Perdi inpe nou bann drwa dan lalwa
Vinn pli enkor dependan lor teknolozi
Fer nou zoue avk nou zanfan dan lakaz
Rekoumans plante dan nou zardin
Rekoumans plante dan nou zardin
Bat karte kouma kiken koste ar nou
Donn inpe repo bien merite nou lanatir.
Pillay
31.05.20
Subscribe to:
Posts (Atom)