Monday, June 1, 2020

Bred Sonz Ek Torti

Bred Sonz Ek Torti

 Mem enn fey sonz santi
 kan dilo pass lor li.

Memm enn torti santi
kan pass enn ros lor li.

Me nou pena ni leker ni
Lizie pou kompran zot lavi.

Depi lontan bred sonz e torti
Inn fini trouv sa vini.

Zot kontinn zet labou lor torti
Li kontinn bouze dan lavi.

Lapli kontinn vini,
Bred sonz pa pou nwaye li.

Zot koup bred sonz ziska li fini,
Li pou repouse e regrandi.

Pa esay provok torti,
Yev ti esaye e li kone ki ti ariv li.

Pa esay rod lagratel ar bred sonz,
Sa ki inn esaye kone kinn ariv li.

Zot pe rod fini torti,
Riske zot mem fini.

Zot pe rod fini bred sonz,
Riske zot mem fini.

Pillay
07.02.20

No comments:

Post a Comment