Monday, June 1, 2020

Kisana konn Li...

Kisana konn li?

Li kouma enn glason
Li zis visib pou enn tiletan
Apre li fonn li vinn delo.

Li kouma enn nuaz
Li vinn trop lour e
Li tombe e nway partou.

Li kouma enn rose
Ki tou dimoun admir li.
Ziska li pa enkor fane.

Li kouma enn boutey
Li bien bien frazil
Li kapav kraze nirport Kan.

Li fer dimoun ekout sante
Ziska zot nwaye ladan e
Zot ekoute li mem dan movetan.

Li fer boukou dimoun riye
Li fer boukou dimoun plore
Me dimoun res rod li mem.

Li kouma enn lasours
Mem kan ena lasesres
Li touzour ena dilo pou saki swaf.

Li pa kapav explik so desizion
Parski so rezonman kapav pa logik.
Me li res touzour enn bon gid.

Li kapav innn ne mizer
Li kapav enkor mizer me
Li enn lasours pou boukou.

Li kouma enn labouzi
Li bril li mem pou
Li donn lekleraz lezot.

Li kapav pe riye
Li kapav pe fer lezot riye
Me personn pa pou trouv so larivier.

Linn pran dife me personn pa kone
Li mem bizin teign li ziska
Ariv so expiry date.

Pillay
23.01.20

No comments:

Post a Comment