La Cigale Aste, Fourmi Fer Bal

La cigale Aste, Fourmi Fer Bal.

Akoz corona virus
Boukou bato cargo
Pa pe kapav vinn Moris.

Akoz corona virus
Boukou dimounn pe galoupe
Pe al supermarse pou aste ration.

Akoz corona virus
Boukou dimoun pe aster
En plis par prekotion.

Akoz corona virus
Ena dimoun pe aste ration
Koumadir voras en plas.

Akoz corona virus
Sipermarse pe devide
Lakwizin pe deborde avek ration.

Akoz corona virus
Ena pe fer attention pou zot
Pa vinn kouma la cigale.

Akoz corona virus,
San fwa la la cigale pe aste plin
Ration me fourmi ki pou fer bal.

Pillay
12.03.20