Loraz Pe Fer Laraz Lor Baz
Gramatin tanto nou trouv nuaz,
Mem soley pe disparet lor baz,
Lapli pe kontinn tombe avek laraz,
Loraz pe kontinn res tini lor baz.
Gramatin tanto nou trouv zekler,
Dan lesiel nou pe trouv gros zekler
Dan lakaz saler fer nou trouv zekler
Dan bazar pri fer nou trouv zekler.
Avan li ti enn plezir pou trouv zekler
Aster nou tremble kan trouv zekler
Mem asoir pe fer kler avek zekler
E souvan koumadir fedartifis dan ler.
Nou trakase kan nou trouv zekler
Pe fer fraka e pou don traka taler.
Nou pa kone avk ki pou tir nou koler.
Nou zis pa fer ler kan pena zekler.
Zekler pa gagn letan sorti lor baz
Loraz fini rant lor baz avek laraz.
Mem dan lakaz nou tan so tapaz
E nou nepli pe kapav kontrol baz.
Zenfan lekol pe bizin res lakaz
Paran pa pe kapav al lor baz
Pe bizin fer baby sitter dan lakaz
E kan retourn travay bos fer laraz.
Kouma loraz fini fer boukou tapaz
Dizef loraz fer so aparition lor baz.
Marsan bazar pe van dizef loraz
Pou kliyan aret fer tapaz e laraz.
Person pa kone kouma pou met
Enn poz ar lapli,zekler e loraz.
Anou fer kouma grandimoun,
Anou dir "ajouna ajouna ajouna...."
Written by Pillay
20.02.18
No comments:
Post a Comment