Monday, June 1, 2020

Pey Pese Dan Paradi Lamem

Pey Pese Dan Paradi Lamem

Kisana inn dir
ki ounn ne dan paradi?

Ki dan paradi ki
Ou p bizin pey pese koumsa la ?

Ou pa gagn al lekol
Ou dir ou pe pey ou pese la.

Ou resi al lekol pou apran.
Ou pei pese ar sakantite leson la

Ou pa pe gagn travay
Ou dir ou pe pey ou pese la.

Ou resi gagn enn travay
Ou pey pese ar travay la.

Ou pa gagn enn partner pou marye.
Ou dir ou pe pey ou pese la.

Ou reusi gagn enn partner pou marye
Ou pey pese dan lakaz la.

Ou pena enn loto
Ou dir ou pe pey ou pese la.

Ou reusi aster enn loto
Ou pey ou pese  dan sirkilation la.

Ou pa gagn vwayaz dan avion
Ou dir ou pe pey ou pese la.

Ou reusi gagn enn sans vwayaze.
Ou pey pese avek sa bann retar la.

Ou pa gagn guet football lor canal plus.
Ou dir ou pe pey ou pese la.

Ou reusi pran enn abonman.
Ou pey pese ar sa Manchester United la.

Pillay
27.01.20

No comments:

Post a Comment