Monday, June 1, 2020

Pou Twa Moris

Pou Twa Moris

Twa later Moris
To mem nou mama
To mem nou papa.

Nou pou rekonesan
Ki to ti ouver to lebra
Pou akeyer nou granparan.

Tonn nouri nou paran
Tonn nouri nou zenfan
To pe nouri nou tizenfan.

To kapav bien tipti.
Me to leker bien gran
Pou tou to bann zenfan.

Nou kapav inn fer to leker
Fermal parfwa me nou konn
To valer mem kan nou loin.

Nou bisin kontinn servi
Lintelizans ki tonn donn nou
Pou protez nou lenvironman.

Nou deman twa kontinn
Ekler nou pou nou kapav
Fer tou dimoun progrese.

Nou deman twa kontinn
Ekler nou pou ki nou kapav
Elimin violens e aksidan.

Nou dir twa enn grann mersi
Pou saki tonn fer pou tou
Zenfan Repiblik Moris.

Pillay

No comments:

Post a Comment