Monday, June 1, 2020

Lapli Lapomp

Lapli Lapomp...

Meteo pe anons gros lapli
Paran e profeser pe ekout radio
Pou kone si pou ena lekol zordi.

Boukou zenfan dir tombe lapli
Pou zot kapav tini enkor lor lili
E zot pa pou bisin al lekol vendredi

Paran pe bisin tir so parapli
Pou al aster dipain dan lapli
E pou bisin kit zenfan ar dadi.

Ena profeser riy dan moustas
Akoz pa bisin rant dan klas
Kapav kas enn poz en plas.

Si ti lepok avan zenfan ti pou
Kontan pou ranz ti bato pou
Zoue ziska tou dilo fini partou.

Zenfan zordi zour pou fini zot
Zourne avek portab kole ar zot
Zorey e res fer selfi dan lapli.

Zenfan pe fer bal dan lapli
Pompier pe pomp dilo lapli
E res pompe pompe ziska fini.

Planter ti pe priye lapli tombe
Ala li mem pou al tomb lor lapay
Kann li pou al dan so karo may.

Pillay
08.01.18

No comments:

Post a Comment