Li bate mama, li bate papa
Sa fer gagn dimal mama
Sa fer latet fermal papa.
Entrener vini entrener ale
Zouer vini zouer ale
Nou lekip gagn bate.
Semaine ale, semaine vini
Nou gagn bate mama
Nou gagn bate papa.
Ayo mama ayo papa
Tir nou dan sa bez la.
Tir nou dan sa plas la.
Ayo mama ayo papa
Ayo mama ayo papa
Ki nou pou pase ar sala.
Enn de trwa, Kat sink sis
Set wit nef, dan mo payen
Ena zis nef pwin.
Bann ki lev bonher
Pa kontan fer ler
Mem si zot pa res bor lamer.
Bann ki lev bonher
Pa res dir taler
Pa enkor fer kler.
Bann ki lev bohner
Gagn letan okip zot later
E gagnn plezir rekolte pomdeter.
Bann ki lev bonher
Pa fer lezot trouv zekler
Mem kan fer kler.
Bann ki lev bonher
Gagnn lasans respir ler pir
E pa bizin al kot dokter.
Bann ki lev bonher
Pa grat ledo malher
E pa bizin marse avk port bonher.
Bann ki lev bonher
Resi rant travay dan ler
E merit bien zot saler.
Bann ki lev bonher
Resi trouv zot bonher
San ki bizin galoup kot treter.
Rama pa kontant manz zanana
Li kontan manz sokola Nutella
Ki so mama aste Moka.
Kamini kontant manz panini,
Satini kotomili e spageti ki
So papi konn kwi kan li anvi.
Mama Lola pe fer yoga dan
shivala
Avek so deser Vinela e Vinesha.
Kan yoga fini zot aste gato pima.
Papa Vanen kontan res lor so
lili
kan so travay fini dan Reduit
E li ekrir so bann poezi.
Aswar tou dimoun servi wifi
Tifi ek mami guet zot ban seri.
Ki pa kone kan pou fini.
Rama guet so fim Zoutopia
E so papa pe gagn traka Pogba
Ki pe fer Manu kontinn res anba.
